▲ 白雲拍旅行片帶大家走遍各個潛水勝地！
▲ 今次就帶大家去墾丁。
▲ 白雲帶埋支汽水潛水，仲喺水底開嚟飲！
▲ 神奇嘅事發生喇，咁樣開樽都冇倒瀉！
▲ 仲飲得好滋味添！
▲ 試埋橙汁汽水先！
▲ 一樣冇問題！
▲ 魔法大成功！
藝人白雲擁有35E導彈胸驕人身材，不時喺網上晒性感相派福利累積唔少人氣，近來轉型做YouTuber嘅佢，頭炮就推出旅行片《雲游四海》，帶大家走遍各個潛水勝地。喺介紹過台中潛立方旅館同台灣屏東縣嘅琉球鄉（小琉球）之後，今次白雲就帶大家去到墾丁，仲大玩神奇魔法，就係挑戰喺水底飲汽水喇！見佢拎住支玻璃樽嘅汽水潛落水，當佢喺水底倒轉個樽打開嘅時候，神奇嘅事發生喇，啲汽水竟然冇瀉出嚟！白雲仲用飲管輔助嚟飲汽水，同大家宣布個魔法大成功！網友都留言大歎神奇，仲畀白雲嘅魔鬼身材搞到㷫合合，高呼：「天啊受不了！」
Swim Sports INFO
