繼上次【2019親子攻略】帶你睇勻全港22個嬉水池!(港島區篇)介紹完港島區嘅嬉水池之後，今次為大家帶嚟九龍區嘅嬉水池介紹~
一於睇吓邊個泳池最啱自己帶小朋友一齊去玩！
九龍區
九龍區總共有11個泳池，當中數到最出名嘅泳池就可能係九龍公園游泳池，不過講到好玩，就不得不提斧山道游泳池同埋佐敦谷游泳池，另外何文田游泳池同九龍仔游泳池都比想像中好玩！其實除咗九龍區兩大熱門泳池：藍田游泳池，同埋全港入場人次最高嘅觀塘游泳池之外，其餘九龍區嘅公眾泳池都有兒童池或嬉水池，想同小朋友一齊玩水嘅家長就唔洗怕摸門釘啦~
註：摩士公園游泳池因興建室內暖水池，故暫停開放直至2020年4月。
[斧山道游泳池]
喺黃大仙嘅斧山道游泳池佔地1.88公頃，唔單止有嬉水池，斧山道游泳池更加係全港唯一一間泳池擁有韻律噴泉！場內設施特別多，雖然一路深受小朋友歡迎嘅室內海龍滑梯已經拆咗，但就改建咗做比較適合幼兒嘅遊樂設施，海盜船依然受小朋友歡迎！大中小朋友都非常啱玩，有時人流會比較多，但整體嚟講都係值得一戰㗎！
| 地址： | 九龍黃大仙龍翔道30號 |
| 夏季開放時間： | 上午6時30分至中午12時； 下午1時至5時； 晚上6時至10時 |
| 清潔日： | 逢星期一 |
點擊<斧山道游泳池>查看詳細泳池資訊
[佐敦谷游泳池]
佐敦谷游泳池有成1.7公頃咁大，內有好多小滑梯，仲有水槍、蘑菇形瀑布，小朋友可以玩餐飽！
| 地址： | 九龍牛頭角彩霞道6號 |
| 夏季開放時間： | 上午6時30分至中午12時； 下午1時至6時； 晚上7時至10時 |
| 清潔日： | 逢星期二 |
點擊<佐敦谷游泳池>查看詳細泳池資訊
[何文田游泳池]
何文田游泳池成日畀人拎嚟同斧山道游泳池比較。的確，何文田游泳池嘅設施係冇斧山道游泳池咁豐富，但係對於年紀比較細啲嘅小朋友嚟講一樣都係咁好玩，而且仲冇咁墟冚，家長泊車又方便。不過依家浄係開放部分嘅嬉水池，如果想一次過玩晒室內外嬉水池嘅話，就要等下喇！
註：室內嬉水池正進行緊急維修，直至另行通知為止。
| 地址： | 九龍牛頭角彩霞道6號 |
| 夏季開放時間： | 上午6時30分至中午12時； 下午1時至6時； 晚上7時至10時 |
| 清潔日： | 逢星期二 |
點擊<何文田游泳池>查看詳細泳池資訊
[九龍仔游泳池]
九龍仔游泳池雖然算唔上熱門之選，但一樣有滑梯，有水砲，有得行高行低，活動範圍都頗大。今次就適合年紀大啲嘅小朋友去玩喇！
| 地址： | 九龍延文禮士道13號九龍仔公園 |
| 夏季開放時間： | 上午6時30分至中午12時； 下午1時至5時；<br?晚上6時至10時 |
| 清潔日： | 逢星期一 |
點擊<九龍仔游泳池>查看詳細泳池資訊
[九龍公園游泳池]
九龍公園游泳池有足足3公頃，係全九龍最大嘅公眾泳池。大就夠大，不過嬉水設施唔算多。較為有特色嘅，係戶外嬉水設施以瀑布連接，中央有白色行人天橋。不過一場嚟到，順便去九龍公園行兩圈啦！
| 地址： | 九龍尖沙嘴柯士甸道22號九龍公園 |
| 夏季開放時間： | 上午6時30分至中午12時； 下午1時至5時； 晚上6時至10時 |
| 清潔日： | 逢星期二 |
點擊<九龍公園游泳池>查看詳細泳池資訊
[大角咀游泳池]
大角咀游泳池擁有室內嬉水池，玩樂設施雖然唔多，但呢個嬉水池係行熱帶風路線主題㗎！冇去旅行，同囡囡換套bikini喺呢度玩吓水，都一樣咁開心！
| 地址： | 九龍大角嘴福全街63號大角嘴市政大廈4樓 |
| 夏季開放時間： | 上午6時30分至中午12時； 下午1時至5時； 晚上6時至10時 |
| 清潔日： | 逢星期一 |
點擊<大角咀游泳池>查看詳細泳池資訊
分享到：
Swim Sports INFO
