無論你嘅小朋友係鐘意游水定玩水，依家除咗室內游泳池之外，仲可以去埋室外嬉水池瀡滑水梯喇！現時全港44個公眾泳池裏面總共有22個有嬉水池。港島區有三個公眾泳池有嬉水池玩。而新界區就最多，約10個泳池有好似水上樂園咁嘅大型滑水梯！
港島區
港島區一共有9個泳池，其中3個泳池有嬉水池。
堅尼地城游泳池去年4月中已經開放埋餘下嘅室外嬉水池，另外喺黃竹坑嘅包玉剛游泳池係全港島區最大嘅公眾泳池！雖然冇嬉水池，但係兒童池同嬉水池一樣都係有玩樂設施㗎~
當然唔少得東區兩大熱門泳池，港島東遊泳池同柴灣游泳池都有嬉水池㗎！
Click下面張圖入去睇詳細港島區嬉水池介紹啦
九龍區
九龍區總共有11個泳池，當中數到最出名嘅泳池就可能係九龍公園游泳池，不過講到好玩，就不得不提斧山道游泳池同埋佐敦谷游泳池，另外何文田游泳池同九龍仔游泳池都比想像中好玩！其實除咗九龍區兩大熱門泳池：藍田游泳池，同埋全港入場人次最高嘅觀塘游泳池之外，其餘九龍區嘅公眾泳池都有兒童池或嬉水池，想同小朋友一齊玩水嘅家長就唔洗怕摸門釘啦~
註：摩士公園游泳池因興建室內暖水池，故暫停開放直至2020年4月。
Click下面張圖入去睇詳細九龍區嬉水池介紹啦
新界區
新界區嘅泳池相當精采，一共有22個游泳池，差唔多區區都有大型滑水梯，唔單止適合追求刺激嘅小朋友，就連大人都想瀡埋一份！當中天水圍游泳池同馬鞍山游泳池是唔少家庭嘅最愛，但其實唔只呢兩個泳池好玩，大埔游泳池更加係擁有全港數一數二大嘅滑水梯，唔使20蚊就可以好似入咗水上樂園咁！另外亦有一些泳池雖然冇大型滑水梯，但一樣係渡過親子時光嘅好去處，識玩一定要去！
Click下面張圖入去睇詳細新界區嬉水池介紹啦
Swim Sports INFO
