曬到黑晒！
舞蹈員出身的鄧詠雪（雪子），曾與陳蕊蕊組成唱跳組合HunterZ。本身有10年潛水經驗的她，先後贏得香港國際潛水小姐冠軍和美人魚大賽季軍。早前她應邀到印尼峇里島的Ceningan Resort拍攝宣傳照，既要挑戰泳池水底攝影，也要到當地出名的潛點Crystal Bay影潛水相。今次她最開心罕有見到當地巨魚Mola Mola，亦因為要保育海洋而不敢搽防曬，她笑言前所未有曬到咁黑。
▲ 鄧詠雪打扮成美人魚在泳池暢泳。
▲ 鄧詠雪與靚仔Model一齊拍攝有難度。
▲ 鄧詠雪熱愛潛水，已有10年潛水經驗。
雪子熱愛潛水，除咗攞過獎，已考獲Advanced Open Water Dive潛水牌，近年多「靠水搵食」的她，今次首次去峇里島，並逗留在五星級Resort拍宣傳照。她先在Resort泳池拍多款水底的相，當中最特別是扮美人魚。多個Shot中，她覺得與靚仔Model一齊拍攝最花時間，她解釋：「因為大家喺表情同動作都要夾得好好。」其實比起影海底潛水，她認為水底攝影是Easy Job，但因為要配合太陽的光線，所以都影咗大半日先搞掂。請輸入文字
▲ 鄧詠雪潛水拍攝時，遇到當地巨魚Mola Mola。
▲ 鄧詠雪今次歎了印尼菜，也試了美味的漢堡包。
潛水愛好者去到峇里，必要去Crystal Bay一趟。雪子首次去潛，她覺得啲水好凍，她坦言：「啲水大約得攝氏16度左右，亦因為夠凍，反而令我見到當地好出名嘅巨魚Mola Mola，因為唔係咁易見到，落水第一日仲已經見到3條，一條喺50米深嘅水底，另外兩條就喺十幾米深嘅地方，佢哋仲逗留咗好耐畀我影相，真係好開心。」由於她是潛水小姐，故對海洋保育非常重視，所以即使當地紫外線好高，她也不能搽防曬，以免傷害珊瑚，她笑言：「今次比平時曬黑咗好多，比當地人仲要黑，真係從來都未試過！」
▲ 當地又熱又曬，鄧詠雪為海洋保育而冇搽防曬。
▲ 這Resort環境舒服，還設有潛水課程報讀。
Swim Sports INFO
