疫情已經3年啦，相信大家都想外遊好耐！
我地都係，今次我地ARIMAN STORE寓工作於娛樂，
將會為大家飛一轉日本東京，搜羅日本游泳產品。

大家記得睇到最後，有抽獎環節
產品由 SWIMSPORTS 贊助

中目黑 Starbucks Reserve Roastery Tokyo係目前全球規模最大嘅Starbucks，可以近距離欣賞咖啡豆烘焙同埋咖啡沖泡嘅過程。中目黑 Starbucks Reserve Roastery Tokyo樓高四層，每層各有唔同嘅主題，咖啡控真係唔好錯過！

如果去東京只可以去一個神社嘅話，我就推薦大家去明治神宮！佢地點非常方便，安排入原宿、涉谷行程都好順路。明治神宮佔地70萬平方尺，超過百年歷史，巨型鳥居係明治神宮最有名嘅象徵，夠晒宏偉。大家不妨嚟參觀，令大家忙碌嘅生活都可以暫時放慢腳步。

嚟到東京梗係要行吓ARENA專門店！ARENA原宿店樓高兩層，下層係以休閒及日常風格為主，包括T shirt、背包、拖鞋等等。而上層就係賽衣賽褲、訓練用泳衣泳褲、泳帽及賽鏡等等。產品夠晒齊全，行開原宿都可以嚟睇吓。

如果你想去有歷史同文化情懷嘅老街放鬆吓，柴又駅都係一個唔錯嘅選擇。從市區出發大概40至50分鐘車程，由車站行大概15分鐘就會到帝釋天題經寺，三百多年嚟守護著地區嘅民眾，同時都係當地嘅信仰中心。特別要介紹一吓高木屋老舖，係一間從明治時代初期已經開業至今嘅百年和菓子老店。紅豆餡係採用北海道嘅紅豆，冇使用任何食品添加物，甜甜地好好味，食完飲啖茶夠晒滿足。

上野阿美橫丁都係我每次必到地方，多間運動店啱晒鍾意運動嘅朋友仔。而且價錢相宜，好多時仲可以係入面尋到價廉物美嘅寶物添！除咗運動店之外，仲有零食店、玩具店、平價藥妝等等，隨時可以行足幾個鐘。

豐州市場入面有多間美食名店，包括壽司大、大和壽司等等，相信大家都好熟悉。壽司夠晒新鮮，如果想食嘅朋友記住早啲嚟排隊，有時假期甚至9點前就預備截龍。如果好似我地咁唔想一早嚟排隊嘅話，其他嘅壽司店都非常唔錯，可以一試！

番香港喇

下次再玩過

抽獎環節

簡單三步驟即可獲得『抽獎資格』
Step1.至ariman.store Facebook粉絲專頁按「讚」並追蹤成為粉絲
Step2.「公開」分享本文章
Step3.專頁Post留言以下相片中的地方名稱

請輸入文字